400.000 kråvnå li biejaduvvam Oahpásmuvvam-foanndaj ådå Hábmerij. Boahtte juollodimájggemierre la vuoratjismáno 1. biejve 2019. Luojvov siebre/organisasjåvnå ja ásadusá Hábmerin ja Divtasvuonan bessi fåndas doarjjagav åhtsåt iesjgeŋga dåjmajda ja dáhpádusájda. Ulmme la galggá aktisasj dáhpádusáj ja bargo tjadá oahpásmuvvat.

Álkke åhtsåt Gitta 10.000 kråvnå juolloduvvi juohkka doajmmaj jali dáhpádussaj. Ájnna majt hæhttu dahkat la mannat næhttabælláj www.nyehamaroy.no ja åhtsåmsjiemáv dievddet dáj diedoj:

• tjielggi dåjmav;

• tjielggi gåktu álmmuk galggá bessat diehtet goassa ja gånnå dáhpádus/doajmma dáhpáduvvá;

• tjielggi oanegattjat masi rudá galggi aneduvvat;

• kontonummar gåsi máksep;

• duv namma ja telefåvnnånummar, ja epoassta jali poasstaadræssa gåsi åhtsåmusá vásstádusáv sáddip.

Makkir dáhpádusá/dåjma Åvddåla la ådå Hábmer doarjjum paintballspellamav, grilliehkedav, giesselåhkåmkampánjav, lávvodakduojev sasneduojij, mánájgárddebarggij oahpásmuvvam-iehket, seminárra ådå Hábmera duobddágij, minerála ja industrija birra, ja dá li dåssju muhtem buojkulvisá. Gájbbádus la doajmma galggá sihke Hábmera ja Divtasvuona allebiele viesádijda liehket, ja galggá dáhpáduvvat juobbá dájs guoktá suohkanijn.

 

Gájka gåvå: Kjell Fredriksen